AA Jindagi jane ek Gazal thai gai…

Hello everybody,

I know it’s been a long time since I posted something, but what can I do? I was busy finding myself.

So, after a long time, I’m going to publish, hope you will like it.

આ જિંદગી જાણે એક ગઝલ થઈ ગઇ,
સૂચના જેટલી વાત હતી ને જાહેરાત થઈ ગઈ!

કરવાનો હતો માત્ર આત્મા સાથે યોગ,
ધર્મના નામે એક મોટી રમત થઈ ગઈ!

કરી લઈશું આજે નહીં તો કાલે, છે ઘણો સમય,
સમયસૂચકતા ના નામે મોટી આળસ થઈ ગઈ!

ઉપર આવવું હોય, તો થોડું આમતેમ કરવું જ પડે,
નીતિમત્તા ના નામે બુદ્ધિ ની હરાજી થઈ ગઈ!

કબૂતરને બચાવીશું પણ નોકરને તો નહીં જ છોડીએ,
જીવદયા ના નામે ઘણી દેખા-દેખી થઈ ગઈ!

આવડશે સત્તર ભાષા, માતૃભાષા તો નહીં જ બોલીએ,
શિક્ષણ ને હોદ્દાના નામે સંસ્કૃતિની મજાક થઈ ગઈ!

ખુદા-અલ્લાહ-જેહાદ તો ઘણા પવિત્ર શબ્દો છે,
વતનપરસ્તીના નામે અંધાધૂંધી થઈ ગઈ!

દિલથી દિલના તાર જોડવાના હતા, સાહેબ,
કાયાને નિરખવામાં આત્મિક-પ્રેમની બાદબાકી થઈ ગઈ!

લખવું તો હજી ઘણું બધું છે, પણ શું કરું?
આ લખતા લખતા જ મારી કલમ બંધ થઈ ગઈ!newpoem

Advertisements

Guruma Amar Raho

Pujya Yugpradhan Chandrashekhar Maharaj Saheb is a great monk of Jain Religion during last 100 years. He wrote more than 250 books and turned lives of millions of people and I’m one of them.
This is my little poetry on his 5th Death Anniversary(Guru Dashami)
P.S. You can read about him and all of his books on  Yugpradhan

ને એટલે જ તું કદાચ જિનશાસન ના નસીબમાં હશે..

ચંદ્રશેખર! ના તારા જેવું કોઈ હતું, છે ને કદાચ થશે,
ને એટલે જ તું કદાચ જિનશાસન ના નસીબમાં હશે..

તારી શુદ્ધિની લોકો ઉપમા આપે ને કરુણા તો રોમ રોમ માં વસે,
ને એટલે જ તું કદાચ જિનશાસન ના નસીબમાં હશે..

તારા રસ્તે તો ઘણા ચાલે પણ તારી જેમ કોઈ જ ના દીસે,
ને એટલે જ તું કદાચ જિનશાસન ના નસીબમાં હશે..

સિંહગર્જનાનો તું સ્વામી ગણાય ને અતિ-સૂક્ષ્મ પાપોનો પણ ડંખ વસે,
ને એટલે જ તું કદાચ જિનશાસન ના નસીબમાં હશે..

તું તારા પાપમાં જેટલો કાંપે એટલો જ શાસનરક્ષા માટે જગને કંપાવતો હશે,
ને એટલે જ તું કદાચ જિનશાસન ના નસીબમાં હશે..

છેવટ સુધી આપ પન્યાસ જ રહ્યા ને અહો! યુગપ્રધાન બની અમર બનશે,
ને એટલે જ તું કદાચ જિનશાસન ના નસીબમાં હશે..

બસ,છેલ્લે એટલું જ કહું તે કરેલો વાયદો યાદ રાખજે,
ઉપર જઈને બધાને સીધાદોર કરજે,
એટલું જ આ તારો ‘વીર’ ઝંખશે

ને એટલે જ તું કદાચ જિનશાસન ના નસીબમાં હશે..