AA Jindagi jane ek Gazal thai gai…

Hello everybody,

I know it’s been a long time since I posted something, but what can I do? I was busy finding myself.

So, after a long time, I’m going to publish, hope you will like it.

આ જિંદગી જાણે એક ગઝલ થઈ ગઇ,
સૂચના જેટલી વાત હતી ને જાહેરાત થઈ ગઈ!

કરવાનો હતો માત્ર આત્મા સાથે યોગ,
ધર્મના નામે એક મોટી રમત થઈ ગઈ!

કરી લઈશું આજે નહીં તો કાલે, છે ઘણો સમય,
સમયસૂચકતા ના નામે મોટી આળસ થઈ ગઈ!

ઉપર આવવું હોય, તો થોડું આમતેમ કરવું જ પડે,
નીતિમત્તા ના નામે બુદ્ધિ ની હરાજી થઈ ગઈ!

કબૂતરને બચાવીશું પણ નોકરને તો નહીં જ છોડીએ,
જીવદયા ના નામે ઘણી દેખા-દેખી થઈ ગઈ!

આવડશે સત્તર ભાષા, માતૃભાષા તો નહીં જ બોલીએ,
શિક્ષણ ને હોદ્દાના નામે સંસ્કૃતિની મજાક થઈ ગઈ!

ખુદા-અલ્લાહ-જેહાદ તો ઘણા પવિત્ર શબ્દો છે,
વતનપરસ્તીના નામે અંધાધૂંધી થઈ ગઈ!

દિલથી દિલના તાર જોડવાના હતા, સાહેબ,
કાયાને નિરખવામાં આત્મિક-પ્રેમની બાદબાકી થઈ ગઈ!

લખવું તો હજી ઘણું બધું છે, પણ શું કરું?
આ લખતા લખતા જ મારી કલમ બંધ થઈ ગઈ!newpoem

Advertisements

Happy Frindship Day

હસી હસી ને રડી લઈશું, મરવા ટાણે જીવી લઈશું..!

ભલે દીધા જિંદગી એ ઘણા દર્દ-એ-સિતમ મારા દોસ્ત,
પણ દોસ્તીની રમતમાં તો દિલ-એ-જાનથી રમી જ લઈશું..!

દોસ્તીમાં તો જાન ને જિગર કુરબાન છે,
તો પેલી મહોબતની જંગ કઈ મોટી દાસ્તાન છે..!

દોસ્તી એટલે ભગવાને કરેલી એક ભૂલ સુધારવાનો મોકો,
લોહીના સંબંધો ભૂલીને દિલના તાર જોડવાનો અવસર અનોખો..!

મને એટલે જ કદાચ રાધા-કૃષ્ણ કરતા કૃષ્ણ-સુદામા વધુ ગમે,
પ્રેમની લડાઈ જીતવા કરતા દોસ્તીની હારમાં મનડું ઠરે..!

સિક્કો ઉછાળીને નક્કી થાય જો,પ્રેમ જોઈએ કે દોસ્તી,
માંગશે સિક્કો ‘શોલે’ નો આ બાળક સોનેરી..!

Thai Jashe

હા, બિલકુલ ‘Thai Jashe’
નેતા ન કરે કોઈ કામ પણ “વિકાસ” એ તો ‘Thai Jashe’
વિદ્યાર્થી કહે શિક્ષકને “ઘરકામ” એ તો ‘Thai Jashe’
ભલે ન હોઈ કઈ મનોરંજન પણ “ફિલ્મ” તો hit ‘Thai Jashe’
ખરીદી વખતે બજારમાં 5₹ માટે “ભાવ” તો ‘Thai Jashe’
મળે જો જુનો મિત્ર તો ટપરીની “એક ચાય” એ તો ‘Thai Jashe’
ને આવે પાસે gf તો “ખિસ્સા ખાલી” ‘Thai Jashe’
રવિવાર ની સવારે ફાફડા પર “બે બે હાથ” ‘Thai Jashe’
તકલીફ જો આવે મિત્રને તો પૈસાનો “જુગાડ” ‘Thai Jashe’
ઉધાર માંગવા આવે ત્યારે boss “બહાના” તૈયાર ‘Thai Jashe’
ને શિયાળામાં પત્ની સાથે રોજ “બપોરીયું” તો ‘Thai Jashe’
જો બકા તકલીફ તો છે જ ને રેવાની પણ એમાંય “જલસો” જોરમાં ‘Thai Jashe’
બાકી વાયદાઓનું આ બજાર છે જે થાશે એ જોયું જાશે ને બાકી બધું ‘Thai Jashe’